वारणावती (ता.शिराळा ) येथे चांदोली राष्टीय उद्यान अंतर्गत शाहूवाडी तालुक्यातील उखळू ते उदगिरी या २० किलोमीटर अंतराच्या जंगल सफारीचा शुभारंभ करताना जलसंपदा मंत्री जयंतराव पाटील सोबत आमदार मानसिंगराव नाईक,वनसंरक्षक समाधान चव्हाण, विभागीय वनाधिकारी महादेव मोहिते , तहसीलदार गणेश शिंदे,सरपंच वसंत पाटील

शिराळा, ता.१४: चांदोली राष्टीय उद्यान अंतर्गत शाहूवाडी तालुक्यातील उखळू ते उदगिरी या २० किलो मीटर अंतराच्या जंगल सफारीचा जलसंपदा मंत्री जयंतराव पाटील व आमदार मानसिंगराव नाईक यांच्या हस्ते शुभारंभ करण्यात आला.

वारणावती (ता.शिराळा) येथे वन्यजीव विभागाच्या कार्यालयात जंगल सफारी शुभारंभ झाला.

जंगल सफारी शुभारंभ व्हिडिओ

वन्यजीव विभाग चांदोली व उखळू ग्राम परिस्थितीकी विकास समिती यांच्या मार्फत ह्या जंगल सफरीचे आयोजन केले आहे. सध्या शिराळा तालुक्यातील झोळंबी येथे २१ किलोमीटर जंगल सफारी सुरू आहे. आता शाहूवाडी तालुक्यातील उखळू पासून उदगिरी पर्यंत ही जंगल सफारी सुरू झाल्याने मणदूर प्रमाणे उखळू येथील स्थानिक युवकांना रोजगाराची संधी मिळणार आहे. या जंगल सफारीसाठी १६ वाहनांची व्यवस्था करण्यात आली आहे.

यावेळी वनसंरक्षक तथा क्षेत्र संचालक सह्याद्री व्याघ्र राखीव कोल्हापूर समाधान चव्हाण, विभागीय वनाधिकारी महादेव मोहिते , तहसीलदार गणेश शिंदे, गटविकास अधिकारी डॉ.अनिल बागल, अधीक्षक अभियंता महेश सुर्वे, कार्यकारी अभियंता रोहित बांदिवडेकर, कार्यकारी अभियंता डी. डी. शिंदे, उप अभियंता मिलिंद किटवाडकर व महेश चव्हाण, शाखा अभियंता तानाजी धामणकर, वनक्षेत्रपाल जी.एच. लंगोटे, वनपाल डी.के.यमगर, एच.ए. गारदी, मणदूरचे सरपंच वसंत पाटील, उखळूचे सरपंच राजू मुटल, मोहन पाटील, राजू वडम, श्रीपती अनुते, संजय वडाम, सदाशिव वडाम, बाजार समितीचे संचालक दिनकर दिंडे उपस्थित होते.

प्रवेश शुल्क १२ वर्षा आतील मुलांना १५ व प्रौढ ३० रुपये प्रती व्यक्ती,
१२०० रुपये सफारी वाहन व वाहन प्रवेश शुल्क १०० रुपये
गाईड शुल्क २०० रुपये
शैक्षणिक सहलीसाठी शालेय विध्यार्थी १० व महाविद्यालयीन विध्यार्थी २० रुपये प्रत्येकी शुल्क रहाणार आहे.
उद्यानात प्रवेश वेळ सकाळी ६ ते दुपारी ३ पर्यंत असून गुरुवारी उद्यान बंद राहील .वारणावती येथील वन्यजीव विभागाच्या कार्यालयात पर्यटकांना पास मिळणार आहेत.