शिराळा तालुक्यात शिवजयंती उत्साहात

Shiv News February 19, 2021

शिराळा, ता.१९: शिराळा तालुक्यात छत्रपती शिवाजी महाराज की जय च्या जयघोषात शिवजयंती उत्साहत साजरी करण्यात आली. यावर्षी शिवजयंती साजरी करण्यासाठी चिमुकल्यांचा उत्साह ओसंडून वाहत होता.

सध्या कोरोनाचे संकट असल्याने मोठा डामडौल न करता अत्यंत सध्या पद्धतीने आरोग्य शिबीर,रक्तदान असे उपक्रम रावबत शिवजयंती साजरी करण्यात आली.

अनेक गावात पन्हाळगड येथून आणलेल्या शिव ज्योतीचे स्वागत करण्यात आले. तर चिमुकल्यांना पन्हाळा येथे जाता येत नसल्याने शिराळा येथील भुईकोट किल्ला येथून कोटेश्वर मंदिरातून शिवज्योत आणून शिवजयंती साजरी केली. कोरोनामुळे मोजके च मावळे उपस्थित रहात होते.

जिल्हापरिषद शाळा सिद्धार्थनगर आरळा येथे ग्रामविकास अधिकारी प्रवीण कांबळे यांच्या हस्ते शिवरायांच्या प्रतिमेचे पूजन करण्यात आले. केंद्रप्रमुख मधुवंती धर्माधिकारी,मुख्याध्यापक मोहन पवार,अध्यक्षा नेत्रा झाडे उपस्थिती होते.

विश्वास विद्यानिकेतन,चिखली विद्यालयात प्राचार्य एस.ए.पाटील यांनी छत्रपती शिवरायांच्या पुतळ्यास पुष्पहार अर्पण करून पूजन केले. रोहित जाधव या विद्यार्थ्याने पोवाडा सादर केला तर अवधूत लोखंडे ,समृद्धी झनकर,रुतूजा पाटील या विद्यार्थ्यांनी मनोगत व्यक्त केले.

बेलदारवाडी येथे आरोग्य शिबिराचे आयोजन करण्यात आले होते.

कोकरूड येथे महिलांनी केली शिवजयंती

महिला बचत गट ,अंगणवाडी सेविका, जायंट्स ग्रुप कोकरूड निनाई यांच्या सर्व कार्यकारणीच्या वतीने शिवजयंतीचा कार्यक्रम उत्साहात साजरा केला.

लहान मुलींनी जिजाऊंच्या वेशात शिवबाचा पोवाडा व गीते सादर केली.

प्रा. वंदना ठोंबरे,सौ कुंभार,सौ संध्या पाटील सौ निर्मला केंद्रे ,शीतल पाटील ,सौ वंदना घोडे, सौ मुलाणी,सौ सकटे, डॉ. शिंदे , नीलम ठोंबरे डॉ. विद्या ठोंबरे ,डॉ. प्रज्ञा पाटील, सौ टोमके उपस्थित होत्या.