जनउत्कर्ष पतसंस्थेने कोरोनाच्या काळात ही ९ टक्केलाभांश देऊन जपले सभासदांचे हीत

Shiv News February 21, 2021

शिराळा, ता.२१: कोरोनाच्या काळात सहकारी संस्था अडचणीत असताना ही संस्थेने ९ टक्के सभासदांना लाभांश देऊन सभासदांचे हित जोपासण्याचे कर्तव्य पार पाडले आहे.कोविड१९ कर्जहप्ते मुदतवाढ योजनेची प्रभावीपणे अंमलबजावणी करणारी तालुक्यातील एकमेव संस्था असल्याचे मत संस्थेचे संस्थापक विजयसिंग खांडेकर व अध्यक्ष मारुती शिंदे यांनी व्यक्त केले.

वाकुर्डे खुर्द (ता.शिराळा) येथे जन उत्कर्ष ग्रामीण बिगर शेती सहकारी पतसंस्थेच्या २१ व्या वार्षिक सर्वसाधारण सभेत बोलत होते.

यावेळी ते म्हणाले, संस्थेचे सभासद ११४४ असून सभासदांना प्रस्तावित लाभांशासह आजवर१०४ टक्के लाभांश परतावा दिला आहे. पारदर्शक कारभार व उत्कृष्ठ नियोजन यामुळे संस्थेला सतत ऑडिट वर्ग अ मिळत आहे. वसुलीची कार्यवाही १०० टक्के असल्याने थकबाकी प्रमाण केवळ १.९१ टक्के व वसुली ९८.०९ टक्के आहे. शिराळा येथील संस्थेच्या नूतन शाखेचे कामकाज एप्रिल पासून सुरू करण्यात येणार आहे.

प्रारंभी विविध क्षेत्रात प्रावीण्य मिळवलेल्या कु समृद्धी सावंत, नगरसेविका अॅड नेहा सुर्यवंशी, अॅड नरेंद्र सूर्यवंशी, वाकुर्डे खुर्दच्या सरपंच सौ. मेघा जाधव,उपसरपंच नंदाताई जाधव, आंबेवाडीचे उपसरपंच रघुनाथ धुमाळ,,चिंतामणी पाटील, पूजा पाटील,ऋतुराज जंगम यांचा सत्कार करण्यात आला. अहवाल वाचन मुख्यकार्यकारी अधिकारी विजयसिंग खांडेकर यांनी केले.

स्वागत व प्रास्ताविक के.वाय.भाष्टे यांनी केले.

यावेळी आनंदराव पाटील, विश्वास शिंदे उत्तम मस्के,अशोक खोत,ए.बी.जाधव संस्थेच्या उपाध्यक्षा इंदूताई भाष्टे, संचालक शांताराम जाधव,अशोक लोहार,जनार्दन कांबळे, राजाराम मस्के, विष्णू सावंत, आनंदराव जाधव, रघुनाथ धुमाळ,संजय गुरव, शिवाजीराव चौगुले,तानाजी आटूगडे, शोभा पाटील,सदाशिव गायकवाड संस्थेचे सर्व कर्मचारी,सभासद उपस्थित होते.