मुंबई:शिराळा येथील भुईकोट किल्ल्याचा पर्यटनदृष्टया विकासाबाबतची बैठक उपमुख्यमंत्री अजितदादा पवार, जलसंपदा तथा पालकमंत्रीजयंतराव पाटील ,पर्यटन मंत्री आदित्य ठाकरे , राज्यमंत्री कु .आदिती तटकरे ,खासदार धैर्यशील माने, आमदार मानसिंगराव नाईक, शिराळच्या नगराध्यक्षा सुनीता निकम, उपनगराध्यक्ष विजय दळवी व विविध खात्याचे अधिकारी यांच्या उपस्थितीत संपन्न झाली.

शिराळा: छत्रपती संभाजी महाराज यांच्या पदस्पर्शाने पावन झालेल्या शिराळा येथील भुईकोट किल्ल्याचा पर्यटनदृष्टया विकास करण्याबाबत राज्य सरकार सकारात्मक असून या ठिकाणी संभाजी महाराजांच्या जन्मा पासून त्यांना कैद करून भुईकोट किल्यावर आणल्या पर्यंतचा भित्ती शिल्पाच्या माध्यमातून इतिहास मांडला जाणार आहे.या कामाचा आराखडा व अंदाजपत्रक तयार करण्याचे आदेश मंत्री महोदय यांनी अधिकाऱ्यांना दिले असल्याची माहिती आमदार मानसिंगराव नाईक यांनी दिली.

चिखली( ता.शिराळा) येथे आयोजित केलेल्या पत्रकार परिषदेत बोलत होते. यावेळी नाईक म्हणाले,१६ फेब्रुवारी २०२१ रोजी पर्यटन व सांस्कृतिक कार्य विभाग यांच्यावतीने सह्याद्री अतिथीगृह , मलबार हिल येथे बैठकीचे आयोजन केले होते.

त्या बैठकीस उपमुख्यमंत्री अजितदादा पवार, जलसंपदा तथा पालकमंत्रीजयंतराव पाटील ,पर्यटन मंत्री आदित्य ठाकरे , राज्यमंत्री कु .आदिती तटकरे ,खासदार धैर्यशील माने, शिराळच्या नगराध्यक्षा सुनीता निकम, उपनगराध्यक्ष विजय दळवी,अपर मुख्य सचिव यांच्यासह विविध खात्यांचे अधिकारी उपस्थित होते.