शिराळा :तालुका काँग्रेसच्यावतीने आयोजित केलेल्या शेतकरी संमेलनच्या उदघाटन प्रसंगी पक्षनिरीक्षक व सांगली जिल्हा काँग्रेस उपाध्यक्ष पै. नामदेवराव मोहिते,पश्चिम महाराष्ट्र प्रचार प्रमुख नंदकुमार शेळके, जिल्हा काँग्रेस सरचिटणीस सुभाष खोत, सचिव सचिन चव्हाण ,तालुकाध्यक्ष अँड रवी पाटील

शिराळा, ता.१९: शिराळा तालुका काँग्रेसच्यावतीने काँग्रेस कार्यालयासमोर शेतकरी संमेलनाचे आयोजन केले होते. यावेळी पक्षनिरीक्षक म्हणून सांगली जिल्हा काँग्रेस उपाध्यक्ष पै. नामदेवराव मोहिते,पश्चिम महाराष्ट्र प्रचार प्रमुख नंदकुमार शेळके, जिल्हा काँग्रेस सरचिटणीस सुभाष खोत, सचिव श्री सचिन चव्हाण यांची प्रमुख उपस्थिती होती.

या संमेलनाची सुरुवात महात्मा गांधींच्या प्रतिमा पूजनाने झाली.

अँड रवी पाटील म्हणाले, यांनी गेल्या सत्तर वर्षात काँग्रेस पक्षाने शेतकऱ्यांच्या उन्नतीसाठी अनेक कायदे केले. त्यामुळे या देशाचा कणा असलेला शेतकरी इतक्या साऱ्या अरिष्टातदेखील आज ताठ मानेने उभा आहे.केंद्राने नोटाबंदी, जीएसटी मधून उद्योजक व्यापार व्यवसाय अडचणीत आणले. कामगार विरोधी कायदे करून त्यांचे सुरक्षा कवच काढून घेतले.आता शेतकरी विरोधी कायदे करून शेतकऱ्यांना न्यायालयात दाद मागता येणार नाही याची तरतूद करून नांगर फिरवण्याचे या कायद्याने काम केले आहे.

प्रा. कादर नायकवडी, श्री नंदकुमार शेळके, सुभाष तात्या खोत यांनी आपले मनोगत व्यक्त केले. या संमेलनाचे प्रमुख पाहुणे पै. नामदेवराव मोहिते यांनी माजी आमदार स्वर्गीय भगवानराव पाटील यांच्या काँग्रेस व जनतेप्रती योगदानाला योगदानाला उजाळा दिला.

या संमेलनाला उपाध्यक्ष राम नाईक, तुकाराम चव्हाण, पोपट कदम,संजय नायकवडी,सुनील घोलप, राजेंद्र माने उपस्थित होते. यावेळी जिल्हा काँग्रेस कृषी सेल अध्यक्षपदी विकास साळुंखे तर सरचिटणीसपदी राजाभाऊ चरणकर, कणदूर शाखा प्रमुखपदी संभाजी पाटील, रिळे येथील शाखा प्रमुखपदी प्रताप काळे यांना नियुक्तीपत्रे देण्यात आली. यावेळी प्रगतशील शेतकरी व शेतमजुरांचा सत्कार करण्यात आला . सूत्रसंचलन सेवादल तालुका अध्यक्ष सर्जेराव कोकाटे यांनी केले.