सचिन पाटील यांचा पत्रकारितेत शिवाजी विद्यापीठाच्या ना.भि.परूळेकर पारितोषिकाने गौरव

Shiv News January 06, 2021

करमाळे (ता.शिराळा) येथील पत्रकार सचिन पाटील यांनाशिवाजी विद्यापीठाचे ना.भि.परूळेकर पारितोषिक मिळाले असल्याने शिराळा तालुक्याच्या लौकिकात भर पडली आहे.यामुळे शेतकरी आई वडिलांच्या कष्टाला उजाळा मिळाला आहे

करमाळे सारख्या छोट्याशा गावात सचिनचा जन्म शेतकरी कुटुंबात झाला.वडील राजाराम जेमतेम चौथीपर्यंत शिकलेले तर आईचे वैजयंता यांचे ७ वी पर्यंत शिक्षण झाले आहे. त्या सध्या जि.प.शाळा करमाळे येथे शालेय पोषण आहार मदतनीस म्हणून काम पहात आहे. आपण अल्पशिक्षित असलो तरी मुलाला शिकवायचं ही जिद्द पती पत्नीने बाळगून त्याला शिक्षणाच्या प्रवाहात आणले.सचिनचे

प्राथमिक शिक्षण जि.प.शाळा करमाळे येथे तर माध्यमिक शिक्षण श्री सिद्धेश्वर विद्यामंदिर करमाळे येथे झाले. विश्वासराव नाईक महाविद्यालय शिराळा येथे उच्च माध्यमिक शिक्षण कला शाखेतून घेतले आहे. चित्रकला महाविद्यालय चिखली येथून कलाशिक्षक पदविका अभ्यासक्रम पूर्ण केला आहे.

त्यानंतर अधिकारी होण्याचे स्वप्न उराशी बाळगून स्पर्धापरीक्षेचा अभ्यास सुरू केला पण त्यात अपयश आले.पण सचिनने त्याची जिद्द आणि चिकाटी कायम ठेवत शिवाजी विद्यापीठाच्या वृत्तपत्र आणि संवादशास्त्र येथे प्रवेश घेतला.

शिवाजी विद्यापीठाच्या शिलेदार-१९ या पांचगणी येथील शिबीरामध्ये सहभाग .यशवंतराव चव्हाण महाराष्ट्र मुक्त विद्यापीठ,नाशिक अभ्यासकेंद महात्मा फुले शिक्षण संस्थेच्या कर्मवीर भाऊराव पाटील महाविद्यालय इस्लामपूर येथे राज्यशास्त्र विषयातून पदवी प्राप्त केली.शिवाजी विद्यापीठाच्या वृत्तपत्र विद्या आणि संवादशास्त्र अधिविभागाच्या बी.जे. या वर्गात पहिला क्रमांक पटकावला. पहिला क्रमांक मिळविलेल्या विद्यार्थ्यांला दिले जाणारे ना.भि.परूळेकर पारितोषिकाचा तो मानकरी ठरला.त्यामुळे सचिन पाटील यांचाआमदार मानसिंगराव नाईक यांच्या हस्ते भाटशिरगाव येथे लायन्स क्लब येथे पत्रकार दिनानिमित्त आयोजित कार्यक्रमात विशेष सत्कार करण्यात आला. सचिन सध्या तरुण भारतला शिराळा तालुका प्रतिनिधी म्हणून काम पाहत आहे.