राज्यातील पायलट प्रकल्प म्हणून शिराळा तालुक्यात लवकरच ठिबक सिंचन होणार- डॉ भारत पाटणकर

Shiv News January 24, 2021

शिराळा येथे नागमणी विश्रामगृहात जलसंपदा विभागाचेअधिकारी आणि पाणी वापर संस्थाचे पदाधिकारी यांचे समवेत आयोजित बैठकीत अधिकाऱ्यांकडून माहिती घेताना श्रमिक मुक्ती दलाचे अध्यक्ष डॉ भारत पाटणकर ,आमदार मानसिंगराव नाईक

शिराळा, ता.१९: राज्यातील पायलट प्रकल्प म्हणून शिराळा तालुक्यात लवकरच ठिबक सिंचन होणार असल्याचे प्रतिपादन श्रमिक मुक्ती दलाचे अध्यक्ष डॉ भारत पाटणकर यांनी केले.

शिराळा येथे नागमणी विश्रामगृहात जलसंपदा विभागाचेअधिकारी आणि पाणी वापर संस्थाचे पदाधिकारी यांचे समवेत आयोजित बैठकीत बोलत होते.आमदार मानसिंगराव नाईक यांची प्रमुख उपस्थितीती होती.

यावेळी डॉ. पाटणकर म्हणाले ,की बंद पाईपलाइन व ठिबक सिंचन संदर्भात श्रमिक मुक्ती दलाने धोरणात्मक निर्णय शासनाला पटवून दिल्यामुळे वाया जाणाऱ्या पाण्याची बचत ,जादा पाण्यामुळे होणारे नुकसान टळेल.

खर्चाची बचत आणि उत्पन्नात वाढ होणार असून चढ़ा कडील वंचित क्षेत्र सिंचनाखाली येणार आहे.त्यामुळे हा प्रयोग राज्यातला पथदर्शी आहे. आटपाडी पॅटर्न नंतर शिराळा तालुका हा राज्याचा पथदर्शी प्रकल्प आहे

आमदार मानसिंगराव नाईक म्हणाले, येत्या वीस फेब्रुवारी पर्यंत या पथदर्शी प्रकल्पाचा आराखडा जलसंपदा विभागाने पूर्ण करावा.यासाठी जलसंपदा मंत्री ना. जयंत पाटील यांच्या समवेत बैठक घेऊन शासनाकडून निधी उपलब्ध करू.

यावेळी जलसंपदा सिंचनचे कार्यकारी अभियंता रोहित

बांदिवडेकर, कालवे विभागाचे कार्यकारी अभियंता देवाप्पा शिंदे, श्रमिक मुक्ती दलाचे राज्य सदस्य वसंत पाटील,जयंत निकम', दिलीप पाटील ,पाणीवापर संस्थाचे पदाधिकारी शिवाजी चौगुले ,विष्णू पाटील ,बाळासो नांगरे,सरपंच विजय पाटील व पाणी वापर संस्थेचे कार्यकर्ते उपस्थित होते.