संभाजीराजें साठी बलिदान देणाऱ्या शिराळ्याच्या सरदार आप्पा दिक्षीत, हरबा वडार यांचेवर ऐतिहासिक चित्रपटाची निर्मिती करणार,- निर्माते दीपक पवार.

Shiv News January 31, 2021

शिराळा,ता.३१:शिराळच्या मोजक्या लोकानी संभाजी राजांना सोडविण्यासाठी दिलेल्या झुंझीच्या शौर्य गाथेवर ऐतिहासिक चित्रपटाची निर्मिती करणार असल्याचे प्रतिपादन हरबा वडाराचे वंशज दीपक पवार यांनी केले.

येथील गोरक्षनाथ मंदिरात एकलव्य फिल्मसच्या "झ्या"या लघुपटाचे स्क्रिप्ट पुजन प्रसंगी बोलत होते. प्रारंभी गोरक्षनाथ मठाचे मठाधिपती पारसनाथ महाराज यांचे हस्ते "झ्या"या लघुपटाचे स्क्रिप्ट पुजन करण्यात आले. यावेळी शिराळा पोलीस ठाण्याचे सहायक पोलीस निरीक्षक विशाल पाटील यांच्या हस्ते झ्या चित्रपटाचा मुहुर्त करण्यात आला

यावेळी पवार म्हणाले, झ्या या लघुपटाची कथा ही पोटासाठी परंपरेने गाढवांशी बांधलेल्या देशातील एका उपेक्षीत समाजातील लहान मुलाची आहे.यामध्ये गाढवांमध्ये घुटमळणा-या त्याचे शैक्षणिक भावविश्व, त्याच्या कुटुबांची पोटासाठी होणारी हेळसांड,कुचंबना,मग याच कुटुबाची पोटाच्या सन्मानासाठीची अगतिकता यावर प्रकाशझोत टाकणारी आहे.

यावेळी आनंदनाथ महाराज,अखिल भारतीय चित्रपट महामंडळाचे सदस्य रंगराव घागरे,या चित्रपटाचे सहायक दिग्दर्शक वैजनाथ चौगुले, महेंद्र गायकवाड, माजी जिल्हापरिषद सदस्य महादेव कदम,उद्योगपती विजय पाटील,ओ.सि.सि.आय .राज्य संपर्क प्रमुख कृष्णात नलवडे,विनय हसबनिस,संजय कदम,अमर भोरे,बाळासो गोसावी,आकाराम कांबळे,अनिल पवार,उत्कर्ष पवार,संस्कार पवार,संजय पाटील दिनेश हसबनीस, प्रीतम निकम, दत्तात्रय तडाखे, सुभाष कदम उपस्थित होते.