शिराळा (प्रतिनिधी) : विश्वासराव नाईक सहकारी साखर कारखान्याच्या सन २०१९-२० मधील हंगामात गाळपासाठी आलेल्या ऊसला प्रतिटन २०२.२९ रुपयांचे अंतिम बिल शेतकऱ्यांच्या बँक खात्यात जमा केले आहे, ही माहिती कारखाण्याचे अध्यक्ष, आमदार मानसिंगराव नाईक यांनी देऊन ऊस पुरवठादार सभासद, बिगर सभासदांना दसरा-दीपावलीची भेट म्हणून प्रतिटन साखर सवलतीच्या दरात देण्यात येईल, अशीही घोषणा त्यांनी केली.

संचालक मंडळाच्या बैठकीनंतर आमदार नाईक म्हणाले, गत हंगामात कारखाण्यास ऊस पुरवठा केलेल्या शेतकऱ्यांना दिपावळीपूर्वी २०२.२९ रुपये प्रमाणे अंतिम बिल देऊन दीपावली गोड करणार, असे १६ ऑगस्ट २०२० ला कारखाण्याच्या बॉयलर अग्निप्रदीपना दिवशी अंतिम बिलाची घोषणा मी केली होती. आजवर शेतकऱ्यांना दिलेला शब्द पळाला आहे. त्याप्रमाणे अंतिम उसबीलाची रक्कम दसऱ्याच्या तोंडावर बँक खात्यात जमा केली आहे. त्यामुळे २८५२.२९ ही 'विश्वास'ची आधारभूत किंमत शेतकऱ्यांना अदा झाली आहे. संचालक मंडळाने नेहमी सभासद, शेतकरी हित जोपासले आहे. म्हणून सन २०१९-२० गळपास आलेल्या उसपोटी पुरवठादार सभासद, बिगरसभासदांना प्रतिटन सवलतीच्या दरात साखर देण्याचा निर्णय घेतला आहे.

ते म्हणाले, विश्वास कारखाना ऊस उत्पादक शेतकरी, सभासदांचे हित पाहतो. आतापर्यंत उच्चांकी दर देण्याची परंपरा कायम ठेवली आहे. सभासदांना सवलतीच्या दरात वर्षभरात ६५ किलो साखर, कर्मचाऱ्यांना बोनस व मेडिक्लेम विमा, ठिबक सिंचन अनुदान, पतीवर खाते, बियाणे व औषध, ऊस शेती आधुनिक बियाणे व तंत्रज्ञानाची माहिती, कृषी प्रदर्शन, बांधावर जाऊन प्रशिक्षण, अग्निशमन व रुग्णवाहिकेची सोय, कामगार कुटूंबीय स्नेह मेळावा, दुर्धर आजारासाठी ट्रस्ट मार्फत मदत, शैक्षणीक उपक्रम, धार्मिक, मनोरंजन कार्यक्रम, महिलासाठी शिराळा महोत्सव आदी उपक्रम राबविले जातात. कोरोना काळात शेतकऱ्यांना ऊस शेती विषयी सर्व प्रकारची माहिती मेळावे अथवा मार्गदर्शन शिबिरे घेता येत नाही, म्हणून आधुनिक तंत्रज्ञानाचा वापर करून दहा वेबिनार माध्यमातून शेतकऱ्यांपर्यंत माहिती पोहचवली आहे. आज वरच्या प्रगतीसाठी नेहमीच सर्वांची साथ लाभली आहे.

आमदार नाईक म्हणाले, कोरोनाचे संकट अध्यप संपलेले नाही. त्याबाबतची सर्व ती काळजी नागरिकांनी घ्यावी. काळ अडचणींचा आहे. अनेक समस्यांना सामोरे जावे लागत आहे. याची जाणीव ठेवत सर्व प्रकारची काळजी घेऊन आपण सगळे मिळून हा हंगाम यशस्वी करू, यावर माझा विश्वास आहे. तोडणी व वाहतुकदारांनी कारखाण्याकडे करार केलेले आहेत. कार्यक्षेत्रातील ऊस उत्पादक शेतकऱ्यांनी अजूनही नोंद न केलेला आपला ऊस कारखाण्याकडे नोंद करावा. नोंदी प्रमाणे तोडणीचा कार्यक्रम राबविण्यात येईल. यावेळी कारखाण्याचे उपाध्यक्ष, माजी आमदार बाबासाहेब पाटील-सरूडकर, युवा नेते विराज नाईक, कार्यकारी संचालक राम पाटील व सर्व संचालक, कामगार संघटना पदाधिकारी, सर्व खातेप्रमुख, विभागप्रमुख, कर्मचारी उपस्थित होते.