ब्रेकिंग न्यूज

शिराळा ,ता.१४: वाळवा तालुक्यातील ओझर्डे व कुपवाड(सांगली) २ व शिराळा तालुक्यातील १७ अशा एकूण १९ गावात ३९ रुग्ण सापडले असल्याची माहिती तालुका आरोग्य अधिकारी डॉ.प्रवीण पाटील यांनी दिली.

गाव निहाय रुग्ण असे- खराळे, शिंदेवाडी, हत्तेगाव,चिंचोली, फुफिरे, शिराळे खुर्द, सागाव,नाटोली,जांभळेवाडी, बिऊर, वाळवा तालुक्यातील ओझर्डे व कुपवाड(सांगली) प्रत्येकी १ , मांगले,उपवळे,भटवाडी प्रत्येकी २,चरण ३, तडवळे ४, शिराळा ६, चिखली ८असे एकूण ३९ रुग्ण सापडले आहेत.

शिराळा,ता.१४: शिराळा तालुक्यात प्रहार जनशक्तीच्या माध्यमातून मोफत रुग्णसेवेसाठी आहोरात्र झटणाऱ्या प्रहरचे तालुका अध्यक्ष श्रीराम नांगरे यांच्या रुग्णवाहिकेच्या बॅटरीसाठी शहरातील युवकांनी मदतीचा हात देऊन रुग्ण सेवेला गती दिली आहे.

प्रहाराच्या माध्यमातून श्रीराम नांगरे गरजूंना रुग्णवाहिकेची सेवा पुरवत आहेत. ही सेवा मोफत असल्याने लोकांना त्याचा फायदा होत आहे.मात्र या रुग्णांसाठी अहोरात्र धावणाऱ्या रुग्णवाहिकेची बॅटरीसाठी खराब झाली आहे. त्यामुळे रुग्ण सेवा करत असताना अनेक अडथळ्यांना सामोरे जावे लागत होते. सामाजिक भावनेतून सुरू असणारी रुग्ण सेवा अडचणीत असल्याची माहिती शिराळातील युवक लालासाहेब शिंदे, नितेश निकम,राहुल खबाले,मानसिंग पाटील .सुमित निकम,श्रीकांत नलवडे .नितेश निकम,तुषार यादव यांना समजली. त्यांनी सामाजिक बांधिलकी जोपासत सदर रुग्णवाहिकेला नवीन बॅटरी देऊन रुग्ण सेवेला गती दिली.