ब्रेकिंग न्यूज

शिराळा ,ता.१६: इतर तालुक्यासह शिराळा तालुक्यातीळ या गावात ५४ रुग्ण सापडले असल्याची माहिती तालुका आरोग्य अधिकारी डॉ.प्रवीण पाटील यांनी दिली.

गाव निहाय रुग्ण असे- सोनवडे,आरळा,चिखली, कणदूर,चिंचोली, बिळाशी, खिरवडे, माळेवाडी, कोकरूड, पाडळी,तडवळे, पुनवत,अंत्री खुर्द, निगडी, पाचुंब्री, बांबवडे,बिऊर, वाळवा तालुक्यातील , इस्लामपूर,करंजवडे,चिकूर्डे, विठ्ठलवाडी, ठाणापुडे, व कोल्हापूर आणि पलूस,प्रत्येकी १ , ,देवर्डे, रांजणवाडी,शिराळे खुर्द,रेड प्रत्येकी २, येलूर,मणदूर प्रत्येकी ३, शिराळा १६, असे एकूण ५४ रुग्ण सापडले आहेत.

शिराळा: कोरोना बाधित किंवा संशयीत रुग्णांवरील उपचाराबाबत शिराळा उप जिल्हा रुग्णालयामध्ये हेळसांड होत असल्याच्या तक्रारी आहेत. सुधारण न झाल्यास संबंधितावर कारवाई करण्याचा इशारा आमदार मानसिंगराव नाईक यांनी दिला.

येथील तहसील कार्यालयात माझे कुटुंब, माझी जबाबदारी या अभियानाच्या शुभारंभ प्रसंगी बोलत होते.प्रांताधिकारी नागेश पाटील प्रमुख उपस्थितीत होते.

नाईक म्हणाले, कोरोना विषाणूचा संसर्ग रोखण्यासाठी राज्य शासन अनेक उपाय योजना करीत आहे. कोवीड केंद्रे, ऑक्सीजन प्लाँट उभारण्यात येत आहेत. व्हेंटीलेटर पुरविण्यात येत आहेत. तरीही रुग्णांवर उपचार करण्यात शिराळा उपजिल्हा रुग्णालयाकडून हेळसांड होत आहे. अनेक नागरीकांनी तशा तक्रारी केल्या आहेत. ही बाब गंभीर आहे. रुग्ण कोणत्याही प्रकारचा असो, त्याच्यावर यंत्रणेकडून उपचार व्हायलाच हवेत. उपचार केले गेले नाहीत अथवा उपचारांअभावी रुग्ण दगावला, असे घडता कामा नये.

प्रांताधिकारी पाटील म्हणाले, काही कमी पडत असले तर सांगा पण रुग्णांवर उपचार करा. इतर रुग्णांवरील उपचारासाठी स्वतंत्र कक्ष करा. ऑक्सीजन आणखी हवा असल्यास मागून घ्या.

प्रारंभी तालुका आरोग्य अधिकारी एन. एम. घड्याळे म्हणाले, तालुक्यातील 36 हजार 366 कुटुंंबातील 1 लाख 59 हजार 430 नागरीकांची दोन वेळा आरोग्य तपासणी करण्यात येणार आहे. या मोहिमेसाठी आरोग्य विभागाने 109 टीम बनविल्या आहेत.

यावेळी तहसीलदार गणेश शिंदे, गटविकास अधिकारी डॉ. अनिल बागल, जिल्हा परिषदेच्या महिला व बालकल्याण अधिकारी शिल्पा पाटील, सभापती वैशालीताई माने, नगराध्यक्षा अर्चना शेटे,मुख्याधिकारी योगेश पाटील, डॉ. मोमीन, डॉ. डी. बी. निर्मळे, डॉ. मनोज महिंद उपस्थित होते.