पाचगणी येथील सुरेश पाटील यांचे निधन

पाचगणी येथील सुरेश पाटील यांचे निधन

शिराळा, ता.१४: पाचगणी (ता.शिराळा) येथील शिराळा कृषी उत्पन्न बाजार समितीचे संचालक सुरेश अनंत पाटील( वय ६२) यांचे हृदयविकाराने निधन झाले. त्यांच्या पश्चात पत्नी, आई ,मुलगा, पुतणे,भावजय असा परिवार आहे. रक्षाविसर्जन मंगळवारी( ता.१६) सकाळी पाचगणी येथे आहे.
सुरेश पाटील हे पाचगणी गावचे  पाच वर्षे  सरपंच, दहा वर्षे सोसायटीचे अध्यक्ष व  शिराळा बाजार समितीचे संचालक होते. ग्रामपंचायत सदस्य १५ वर्षे होते.  करुंगली येथील  दालमिया (निनाईदेवी) कारखान्यात केन इन्स्पेक्टर होते. ते विधानपरिषदचे माजी सभापती स्व.शिवाजीराव देशमुख यांचे कट्टर समर्थक होते. ते गावात परिसरात सुरेश आप्पा म्हणून ओळखले जात होते. शांत,संयमी व सामाजिक क्षेत्रात हिरीरीने भाग घेणारे नेतृत्व म्हणून सर्वत्र परिचित होते.