विश्वास व विराज उद्योग समूहात वृक्षारोपण

विश्वास व विराज उद्योग समूहात वृक्षारोपण

शिराळा : विश्वास व विराज उद्योग समूहाने सातत्याने पर्यावरणाचे रक्षण करण्याचे काम केले आहे, असे प्रतिपादन युवक नेते विराज नाईक यांनी केले.
      आज ५ जून जागतिक पर्यावरण दिनाच्या निमित्ताने त्यांच्या हस्ते विश्वासराव नाईक सहकारी साखर कारखाना व विराज इंडस्ट्रीजमध्ये वृक्षारोपण आले. त्यानिमित्ताने ते बोलत होते. कार्यकारी संचालक राम पाटील, सरव्यवस्थापक युवराज गायकवाड प्रमुख उपस्थितीत होते.
श्री. नाईक म्हणाले, विश्वास व विराज हे दोन्हीही उद्योग समूहात पर्यावरण पूरक यंत्रणा कार्यरत आहेत. कोणत्याही प्रकारे पर्यावरणाची हानी होणार नाही, याची काळजी घेतली जाते. विश्वासवर तर साखर कारखाना आहे का बागीचा आहे याची खात्री करावी लागते. यामागे लोकनेते कै. फत्तेसिंगराव नाईक व आमदार मानसिंगभाऊ यांची दूरदृष्टी लक्षात येते.
       प्रारंभी युवक नेते नाईक यांच्या हस्ते विश्वासवर व त्यानंतर विराज इंडस्ट्रीमध्ये वृक्षारोपण झाले. यावेळी सर्व खातेप्रमुख, कर्मचारी उपस्थित होते.