वटपौर्णिमा उत्साहात

वटपौर्णिमा उत्साहात.

शिराळा, ता.५:  शिराळा तालुक्यात कोरोनाचे संकट असतानाही घरोघरी वडाच्या रोपांचे पूजन करून वटपौर्णिमेचा सण उत्साहात साजरा करण्यात आला.

सध्या सर्वत्र कोरोनाचे संकट आहे.त्यामुळे घरातून बाहेर पडणे मुश्किल झाले आहे. सात जन्मी हाच पती मिळावा म्हणून महिला वडाच्या झाडाची पूजा करतात. पण कोरोनामुळे अनेक महिलांनी वडाच्या झाडाची पूजा न करता घरीच कुंडीत लावलेल्या वडाच्या रोपांची पूजा करून सण उत्साहात साजरा केला. यापूर्वी मिळून साऱ्याजणी असे म्हणत मैत्रिणीं एकत्रित येऊन वडाची पूजा केली जता होती.मात्र कोरोनाची भीती असल्याने गर्दी टाळण्यासाठी मिळून साऱ्याजणी हे बाजूला ठेवून पूजा करू आपल्या घरी हे ब्रीदवाक्य मनावर बिंबवून घरोघरी वडाच्या रोपांची पूजा केली जात आहे.