किनारेवाडी येथील युवकास कोरोनाची लागण

किनारेवाडी येथील युवकास कोरोनाची लागण

शिराळा, ता.९:किनरेवाडी( ता.शिराळा) येथील मुंबईहून आलेल्या ३५ वर्षीय युवकास कोरोनाची लागण झाली आहे. त्यामुळे शिराळा तालुक्यातील रुग्णाची संख्या ४४ तर पश्चिम भागातील रुग्णांची संख्या ३४ झाली आहे.
         सदर युवक मुंबईहून ६जून रोजी  आपल्या पत्नीसह आला होता. तो जिल्हापरिषद शाळेत क्वारंटाईन झाला होता. त्यास त्रास जाणवू लागल्याने ७ जून रोजी मिरज येथे नेण्यात आले होते.त्याचा आज अहवाल पॉझिटिव्ह आला आहे. त्यामुळे पणुंब्रे वरूण परिसरात एकच खळबळ उडाली आहे .तालुक्याच्या पश्चिम विभागात दिवसेंदिवस कोरणा रुग्णांची संख्या वाढत असल्याने लोकांच्या चिंतेचे वातावरण पसरले आहे.
         किनरेवाडी येथे गटविकास अधिकारी डॉ.अनिल बागल, तालुका आरोग्य अधिकारी डॉ.प्रवीण पाटील,मंडल अधिकारी पी.पी.जाधव  यांनी भेट देऊन योग्य त्या सूचना दिल्या आहेत. सरपंच राकेश सुतार,उपसरपंच परशु पाटील, माजी सरपंच सदाशिव पवार, ग्रामसेवक एस.डी.जगताप, तलाठी एम.बी.सातपुते, यांच्यासह आरोग्य विभागाचे कर्मचारी ग्रामपंचायत सदस्य,कर्मचारी यांनी गावातील रस्ते बंद केले आहेत.