गावी येणाऱ्या बांधवांशी भेदभाव करू नका त्यांची काळजी घ्या-माजी मंत्री शिवाजीराव नाईक व सत्यजित देशमुख

शिराळा: व्हिडिओ कॉन्फरन्सद्वयारे अधिकारी व सरपंच यांचेबरोबर संवाद साधताना माजी मंत्री शिवाजीराव नाईक  व सत्यजित देशमुख

गावी येणाऱ्या बांधवांशी भेदभाव करू नका त्यांची काळजी घ्या-माजी मंत्री शिवाजीराव नाईक व सत्यजित देशमुख

शिराळा,ता.१०: मुंबई , पुण्याहून व इतर ठिकाणाहून  आलेल्या बांधवांशी भेदभाव करू नका . त्यांची काळजी घ्या असे आव्हान माजी मंत्री शिवाजीराव नाईक , व सत्यजीत देशमुख यांनी
शिराळा ,वाळवा तालुक्यातील  तहसीलदार, गटविकास अधिकारी, आरोग्य अधिकारी, सरपंच, पोलीस पाटील, ग्रामसेवक ,कार्यकर्ते व आशा  स्वयंसेविकानशी व्हिडिओ कॉन्फरन्सद्वारे संवाद साधून केले.
 यावेळी ते म्हणाले, परगावाहून येणाऱ्या लोकांना परवानगी देण्याचा निर्णय शासनाने  घेतला आहे. पुण्या-मुंबईहून काही बांधव गावाकडे येत आहेत. कोरोनामुळे  त्यांची वाढती संख्या हा चिंतेचा विषय बनला आहे . पुण्या- मुंबई मध्ये अडकलेल्या लोकांविषयी विषयी शासनाने धोरण शिथिल केल्यामुळे गावाकडे येणाऱ्यांच्या संख्येत वाढ होणार आहे. गावातील लोकांची जबाबदारी वाढली आहे. प्रशासनामार्फत तालुक्याच्या सीमारेषेवर तपासणी करून होम कोरंनटाइमच्या शिक्का मारून सोडणार आहे.  त्यांना शाळा खोल्या उपलब्ध करून देण्याची जबाबदारी ग्रामपंचायतीने घ्यावी.  प्रांताधिकारी नागेश पाटील,  तहसीलदार गणेश शिंदे, गट विकास अधिकारी डॉ अनिल बागल,  सहायक पोलीस निरीक्षक विशाल पाटील, तालुका आरोग्य अधिकारी डॉ प्रवीण पाटील ,डॉ विलास रावळ,  जिल्हा परिषद सदस्य संपतराव देशमुख,पंचायत समिती उपसभापती पी. वाय. पाटील, पंचायत समिती सदस्या सौ सारिका पाटील,सरपंच,पोलीस पाटील,ग्रामसेवक यांनी या चर्चेत भाग घेतला होता.