वारणा काठी मगरीचा वावर

वारणा काठी मगरीचा वावर

शिराळा: चिकुर्डे  (ता.वाळवा)पुलाजवळ वारणा नदी पात्रात दोन मगरी तर बिळाशी ता.शिराळा येथे रस्त्यावर एका मगरीचा मुक्तसंचार आढळून आला.

सातवे (ता.शाहूवाडी)येथे शेतकऱ्यावर मगरीने महिन्यापूर्वी हल्ला केला होता.त्यामुळे वारणा काठच्या गावांना मगरीचा धोका कायम राहिला आहे. चिकूर्डे येथील पुला जवळ वारणा नदीत दोन मगरी आढळून आल्या.
 बिळाशी  येथे रोकडे वस्तीनजीक लागून असणाऱ्या शिराळा-कोकरूड रोडवर गुरुवारी रात्री साडेअकराच्या दरम्यान भर रस्त्यावर मगर आढळली.बिळाशीतील वारणा डावा कालव्यातून ही मगर ओढ्याकाठांचा आसरा घेत बाहेर पडली असल्याचा अंदाज ग्रामस्थांतर्फे वर्तवला जात आहे. मात्र काही ही असले तरी आता मगरीचा नागरी वस्तीत शिरकाव होऊ लागला हे निश्चित.