काळुंद्रे येथे बीजप्रक्रिया व हुमणी कीड नियंत्रण प्रात्यक्षिक

काळुंद्रे (ता. शिराळा) येथे कोरोना संसर्गाच्या पार्श्वभूमीवर सोशल   डिस्टनसिंगचे नियम पाळून बीजप्रक्रिया व हुमणी कीड नियंत्रण या बाबत  प्रात्यक्षिक दाखवताना कृषी विभागाचे कर्मचारी

काळुंद्रे येथे बीजप्रक्रिया व हुमणी कीड नियंत्रण  प्रात्यक्षिक

शिराळा: काळुंद्रे (ता. शिराळा) येथे कोरोना संसर्गाच्या पार्श्वभूमीवर सोशल  डिस्टनसिंगचे नियम पाळून शेतकरी गट प्रमुखांना बीजप्रक्रिया व हुमणी कीड नियंत्रण या बाबत प्रात्यक्षिक दाखवण्यात आले.
सध्या पेरणीपूर्वी मशागतीच्या कामामुळे सर्व शेतकरी कामात व्यस्त आहेत.  त्यामुळे कृषी विभागाच्या मार्फत शेतकरी गट प्रमुखांना धुळवाप भात पेरणीपूर्वी करावयाची बीजप्रक्रिया  व हुमणी नियंत्रणासाठी प्रकाश सापळ्यांचा  उपयोग या संदर्भातील प्रात्यक्षिकासह मार्गदर्शन करण्यात सुरवात केली आहे.
यावेळी गावचे सरपंच विजय पाटील, तालुका कृषि अधिकारी जी.एस. पाटील, मंडळ कृषि अधिकारी अरविंद शिंदे , कृषी पर्यवेक्षक  गणेश क्षीरसागर , कृषी सहायक ऋषिकेश भुईकर,  उपस्थित होते.