शिराळा तालुक्यात आणखी एक व्यक्ती कोरोनाबाधित

शिराळा तालुक्यात आणखी एक व्यक्ती कोरोनाबाधित

सांगली दि. 19 (जि.मा. का) अंत्री खुर्द तालुका शिराळा येथील 42 वर्षीय पुरुष मुंबई येथून दिनांक 17 रोजी आला आहे . या व्यक्तीची मुंबई येथे स्वाब तपासणी करण्यात आली होती.

 त्याचा अहवाल रूग्णाला प्राप्त झाला. हा अहवाल जिल्हा प्रशासनाला आज रोजी प्राप्त झाला  असून तालुका आरोग्य अधिकारी यांनी सदरची व्यक्ती कोरोनाबाधित असल्याची खात्री करून घेतली आहे. या व्यक्तीला मिरज येथे आयसोलेशन कक्षात आणण्यात येत असून या व्यक्तीची मिरज कोवीड लॅब येथे पुनश्च स्वाब घेऊन खात्री करण्यात येणार आहे.
तसेच निकटवर्तीयांना इन्स्टिट्यूशनल क्वारंटाईनमध्ये आणण्याची प्रक्रिया सुरू करण्यात आली आहे. व अनुषंगिक उपाययोजना करण्यात येत आहेत. अशी माहिती जिल्हाधिकारी डॉ . अभिजीत चौधरी यांनी दिले आहे.