या बँकेवर प्रशासक नियुक्ती

सर्जेरावदादा बँकेवर प्रशासक नियुक्ती

शिराळा,ता.१९:१७ पैकी ११ संचालकांनी राजीनामा दिल्यामुळे रिझर्व्ह बँकेने सर्जेरावदादा नाईक बँकेवर प्रशासक  नियुक्ती करण्यात आली आहे.
सर्जेरावदादा नाईक बँके मार्फत करण्यात आलेले कर्जवाटपाच्या वसुलीस लॉक डाऊनमुळे मोठा फटका बसला आहे. त्यामुळे प्राधान्याने वसुली करून खातेदारांचे पैसे दिले जातील.त्यामुळे खातेदारांनी पैशासाठी गर्दी करू नये. पैश्यांची वसुली व हातातील शिल्लक याद्वारे आम्ही खातेदारांच्या घरी पैसे देण्याचा प्रयत्न करणार असल्याची माहिती बँकेचे प्रशासक आदिनाथ दगडे यांनी दिली.
   येथील सर्जेरावदादा नाईक बँकेवर रिझर्व्ह बँकेमार्फत प्रशासक म्हणून आदिनाथ दगडे यांची नियुक्ती करण्यात आली आहे.त्यांनी पदभार स्वीकारल्यावर ही माहिती दिली.
    यावेळी दगडे म्हणाले, या बँकेचे सांगली, सातारा , कोल्हापूर जिल्ह्या कार्यक्षेत्र आहे.लॉक डाऊनमुळे वसुली व मुख्य शाखेशी संपर्क साधने अवघड होत आहे. कर्जदारांनाही अडचणी येत आहेत. १७ संचालकांपैकी ११ जणांनी राजीनामा दिले आहेत. यामुळे रिझर्व्ह बँकेने प्रशासक नेमण्याचा निर्णय घेतला आहे.
   यावेळी मुख्य कार्यकारी अधिकारी दिलीप पाटील, पांडुरंग कुंभार आदी उपस्थित होते.