सांगली जिल्ह्यातून बाहेर जाणाऱ्यांची संख्या 30 हजार 700 हून अधिक तर जिल्ह्यात येणाऱ्यांची संख्या 10 हजार हून अधिक

सांगली जिल्ह्यातून बाहेर जाणाऱ्यांची संख्या 30 हजार 700 हून अधिक तर जिल्ह्यात येणाऱ्यांची संख्या 10 हजार  हून अधिक 

सांगली, दि. 12, (जि. मा. का.) : कोरोनाचा प्रादुर्भाव वाढू नये म्हणून देशभर लॉकडाऊन जारी आहे. लॉकडाऊनमुळे सांगली जिल्ह्यातील अनेक व्यक्ती राज्याबाहेर व राज्यातील अन्य जिल्ह्यात अडकून पडल्या आहेत. तसेच सांगली जिल्ह्यातही अन्य जिल्ह्यातील व राज्याबाहेरील व्यक्ती अडकून पडल्या आहेत. या व्यक्तींना त्यांच्या स्वगृही जाता यावे यासाठी शासनाच्या वतीने अनेक उपाययोजना करण्यात येत आहेत. त्यानूसार दिनांक 12 मे पर्यंत सांगली जिल्ह्यातून राज्याबाहेर व  अन्य जिल्ह्यात 30 हजार 790  व्यक्ती जिल्ह्याबाहेर गेले असून सांगली जिल्ह्यात राज्याबाहेरून व राज्यातील अन्य जिल्ह्यातून 10 हजार 4 व्यक्ती जिल्ह्यात आले आहेत. अशा येणाऱ्या व जाणाऱ्या व्यक्तींची एकूण संख्या 40 हजार 794 इतकी आहे. अशी माहिती अप्पर जिल्हाधिकारी गोपीचंद कदम यांनी दिली आहे.

यामध्ये सांगली जिल्ह्यातून राज्याबाहेर जाणाऱ्या 12 हजार 362 व्यक्ती आहेत तर राज्यातील अन्य जिल्ह्यात जाणाऱ्या   18 हजार 428 व्यक्तींचा आहेत. सांगली जिल्ह्यात राज्याबाहेरून आलेल्या 3 हजार 813 तर राज्यातील अन्य जिल्ह्यातून आलेल्या 6 हजार 191 व्यक्तींचा समावेश आहे.